EL BASTON DE ME NONA

A gh'è veci desmentegà, maltratà
trufà o copà.
Le xè coeste le parole che fa i titoli
so la television e sui giornali.
Solo le robe brute fa notizia,
coèle bele, de altruismo
le tase, no' le fa strepito.
A me vien 'na rabia !
Alora vui farlo mi co'la me pena.
A gh'o me nona,
de auasi novanta dù ani co'l'Alzheimer.
Sta malatia, la va pian pianin,
ogni dì la te smorza dapartuto on s-ciantìn.
No' te conusi pì la to casa, la to fameja.
Te dipendi in tuto e par tuto dai altri,
sempre lì uno con ti in continuaziòn,
ora de sera l'è na gran oraziòn.
Ghìè tanta fadiga da portar,
se in paradiso se vole on di 'nar.
Alora jente, gavìo capìo
a gh'è ancora chi ghe sta drìo
e je tien in casa 'sti veci.
Ste robe no'le fa notizia,
parchè le xe sarà in sti coatro muri.
El baston de me nona:
" l'è me mama ".


©Biblioteca Comunale di Minerbe
Materiale pubblicato su concessione per Il Punto Web