PIERA VIVA

Pim, pim, pim ...
bate, bate 'a massa
sora el scopèo
piera ...
Groste de monte
xè 'e scaje rosse de marmo
frègoe de pan duro
insalà de suòre
e fadìga ...

Riussirò, riussirò
a tirarte fora el core,
sto' core de piera
che fa doènti i oci de'e statue
che stanpa paura
sui visi dei angei,
e fa smorfie ridenti
sui musi dei mostri
coi piè de cavra.

Riussirò a darte
un core caldo,
un soriso de cèo,
e ae, par voeare alto
al desora de tuto !


©Biblioteca Comunale di Minerbe
Materiale pubblicato su concessione per Il Punto Web