INCONTRO

- Bondì -
l'omo se gira, me varda.
Do posse ciare
de aqua chieta
e de cielo che ghe se specia.
E intorno
tera scura,
brusà dal sole e dai ani:
'na ragnatela de strade
dove i pensieri core
fin che no i cata rechie.
'Na cica fiapa
dondola soi lavri,
un fumo zalo se spande
e dopo un fià se sfanta.
Le false resta in aria
un atimo
po' la cala a mordare
el fen che speta.
L'omo xe za tornà
al so mondo,
curvo so 'na fadiga
che no conosse tenpo.
'Na vaca burla rente la malga.
Ma fin che slongo el passo
- Bondì - me sento dir
- Bon viajo! - 


©Biblioteca Comunale di Minerbe
Materiale pubblicato su concessione per Il Punto Web