La Balata del Vagabondo

On can e 'na chitara
i tegnèa la ciave del so' core
ma no ve digo che amor
el ligava insieme i nostri tri.

La chiatara pianzéa, coàlche olta,
se 'na ferita
insangoànava drento al vagabondo,
ma nessun faséa xolare i sogni
cossì in alto
come i nostri amizi.

Mi jò incontrà
'na sera de on inverno
che vestéa de gala la malinconia.
                    Nevegava:
come in te 'na fiaba antica,
la neve la cambiava a la note
el so colore.
"Che bela, la Neve!"
el m'à dito.
G'ò capìo che spini
nel so'core no ghe n'era,
gh'era armonia ne le parole.

Còssa importava
se solo on can e 'na chitara
i tegnéa le ciave ?
Le stéle de ogni sera
no' le jera tute sòe ?