La ceseta de la me contrà

In mezo a l'erba e ai prà gh'è 'na ceseta
che pare messa lì come par caso
e drento a gh'è 'na cara Madoneta,
coi fiori sempre freschi drento al vaso.

A gh'è on sofito moro pì del carbon:
gh'è sta brusà cissà quante candele,
cô domandava grazie, in zenocion,
le cone, le vecete e le butele.

On diaoleto, drio a l'altar magiore,
in do gh'è confinà on stravecio armonio,
el bifa 'na sposeta e el so dolore,
co' i oci furbi e ladri da demonio.

Vizzin a lu, quasi par tegnerlo bon,
l'arcangelo Michele, co'la spada,
par chìel ghe diga: « Sta' fermo lì, molton,
parchè se no te taco 'na gratada.

Lì drento vo anca co'i me pensieri,
a dire pian pianin 'n'Ave Maria,
e se credì, m'è capità anca ieri,
che zeno e pì dolori ò butà via.