Solo desmentegandose

Foie
strache de vita
decide de far
l'ultimo salto.

incoragià da on ventesin
tranquilo,
le buta on'ocià
in giro,
le tira on bel respiro
e le se mola zo.

Ah, se finesse cossita
anca la vita nostra,
senza dolori,
senza pentimenti,
solo desmentegandose
de tirare el fià!

No ghe saria bisogno
De saludar parenti
busiari
a cao del leto
e done in lagreme
che fa cavare el core.